Значи ли ова крај за смртоносните наследни болести?

Научниците за прв пат успеале од човечки ембрион да го “средат” генот кој е одговорен за наследна болест на срцето, која кај многу семејства се пренесува од колено на колено.

Еден тим од американски и јужнокорејски научници успеале да ги едитираат гените на ембриони, така што од нив ја отстрануваат можноста за развој на хипертрофична кардиомиопатија. Ембрионите добиени од сперма на маж со оваа болест и јајце клетки на здрава жена се развиени до петтиот ден пред експериментот да биде прекинат.

Од хипертрофична кардиомиопатија, која што предизвикува срцев застој, пати секоја 500та личност, а шансите заболената личност да ја пренесе болеста на своите деца се 50:50. До развоја на “лош” ген доаѓа за време на оплодувањето.

Овој потфат е спроведен со помош на технологија која се нарекува CRISPR, прогласена за откритие во 2015та година.

Ваквото уредување на гените ни дава поглед кон иднината на медицината, бидејќи со истиот принцип може да се отстранат околу 10 000 генетски здравствени пореметувања, од цистична фиброза до рак на дојка. Со текот на времето, овие болести би можеле да се искоренат.

Но, се поставуваат различни прашања за етиката при измена на гените кај ембриони и создавањето на таканаречените дизајнирани бебиња, кои може да застанат на патот на ваквата медицинска пракса, пишува Би-Би-Си.

Поддржете ја нашата работа: