Измислена технологија која „слуша“ дали вашиот автомобил работи добро

Многу искусни автомеханичари можат да препознаат грешки во работата на моторот на автомобилот со едноставно слушање како работи. Инженерите од американската компанија V2M својата истоимена технологија ја базираат толку на таа способност, но наместо автомеханичари да го слушаат автомобилот, тоа ќе го прават нивните сензориски модули кои се вградуваат во автомобили со внатрешно согорување, но и во електрични возила.

Технологијата V2M се состои од два електроакустични сензорски модули, сместени во предниот и задниот дел на автомобилот, заедно со контролна едицина сместена во средината. Со овој хардвер системот континуирано ја следи и ја бележи бучавата на автомобилот. Аналогните снимки се претвораат во дигитални сигнали, кои се испраќаат на мрежен аналитичар за анализа со помош на алгоритми базирани на вештачка интелигенција. Ако откријат какви било проблеми, сопственикот на автомобилот и/или неговиот механичар ќе добијат известување преку апликација.

Предупредувањето се испраќа и до постојниот дијагностички систем на автомобилот, до производителите на возилата и операторите со возни паркови. Идеата е потребното одржување на автомобилите да се направи што е можно порано, пред да се слуќи некаков посериозен дефект.

Меѓу другото, освен грешки во работата на моторот, овој систем моментално може да идентификува звуци на проблематични тркала и CV зглобови, а инженерите сега работат и на диентификација на звуци поврзани со проблеми со суспензијата.

За V2M технологијата веќе се заинтересирани повеќе производители на автомобили, кои сакаат да ја интегрираат во постојните дијагностички системи, а едно од големите имиња кои се споменуваат е Ferrari, кој наводно планира оваа технологија да ја вклучи во стандардната опрема на своите автомобили.