Универзитетот во Оксфорд штотуку ја започна првата фаза од тестирањето на нова вакцина против чумата. Новиот пристап е базиран на технологија што му помага на човештвото во борбата против коронавирусот.
Иако е озлогласена по своите историски епидемии и наречена Црна смрт, која за кратко време уби околу половина од европското население во XIV век, сѐ уште опустошува делови од Африка, но и други места. Минатата недела, 10-годишно момче почина од компликации од чума во САД.
Предизвикана од бактеријата Yersinia pestis, чумата може да се пренесе од животни на луѓе преку болви, а потоа се шири преку контаминирани телесни течности или други материјали. Ако не се лекува оваа болест може брзо да биде фатална, со дури 100 проценти смртност во зависност од тоа како го инфицира телото.
Ако бактериите се размножуваат во крвотокот, тоа предизвикува септикемична чума, која може да вклучува повраќање, дијареа, крварење и гангрена.
Најмалку вообичаена форма на чума е пневмоничната чума, кога Y. pestis се инфилтрира во белите дробови, најопасната форма на инфекција, која може да напредува до брза респираторна инсуфициенција и шок во рок од два дена по инфекцијата.
На глобално ниво, 3.248 случаи, вклучувајќи 584 смртни случаи, се пријавени помеѓу 2010 и 2015 година. Епидемијата во 2017 година во Мадагаскар предизвика 2.119 потврдени и сомнителни случаи, вклучувајќи 171 смртен исход.
Најефективниот начин за лекување чума е преку употреба на антибиотици, така што брзата дијагноза е пресудна, особено за пневмоничната форма. За жал, ова не е секогаш можно.
„Иако антибиотиците можат да се користат за лекување на чума, многу области со епидемија се далечни места“, објасни имунологот Кристин Ролиер од Универзитетот во Оксфорд.
„Во такви области, ефективна вакцина може да понуди успешна стратегија за превенција за борба против болеста“, додава тој.
Компанијата „Оксфорд“ разви интрамускулна вакцина со помош на модифициран вирус на настинка (аденовирус) кој не може да се размножи кај луѓето, слична на онаа метода што ја користи АстраЗенека против КОВИД-19.
Досега, вакцината против чума е тестирана само на лабораториски животни, но со ветувачки резултати.
Како и кај секоја вакцина, несаканите ефекти може да варираат од локализирана болка до потешки, но ретки алергиски реакции, но сите учесници во клиничкото испитување ќе бидат внимателно следени – особено во текот на првата недела по вакцинацијата.
Ситуацијата внимателно ја следат здравствените власти ширум светот, но се чини дека нус појави со згрутчувања на крвта се јавува кај пет од милион луѓе кои примаат вакцина. Не е познато дали ова е поврзано со коронавирусниот дел од вакцината, или со друг дел од состојките, но тимот не забележува други клинички испитувања во кои се користи овој метод на вакцина, да резултирале во згрутчување на крвта.
Тимот бара здрави луѓе од 18 до 55 години за да учествуваат во едногодишната студија и нуди 630 фунти (околу 880 американски долари) на оние кои се регрутирани да учествуваат.
