7 факти за шеќерот

Издвојуваме листа од седум вистини за шеќерот, бидејќи сигурно би сакале да ги знаете овие информации.

1. По природа, шеќерот има две лица

Најпрво да го дефинираме шеќерот. Обично, кога зборуваме за шеќер, се мисли на белиот шеќер кој се добива од шеќерната трска или репка. Ваквиот шеќер исто така е наречен сахароза. Сахарозата е составена од 50% глукоза и 50% фруктоза. Глукозата и фруктозата се важни и треба да се разликуваат бидејќи двете различно се обработуваат во телото и имаат различни последици врз нашето здравје.

2. Фруктоза = масти

Глукозата е шеќерот кој се преработува во цревата за време на варењето и на крај може да се користи од страна на секоја клетка во нашето тело. Фруктозата пак, целосно ги заобиколува цревата и оди директно во црниот дроб. Дел од неа се складира како гликоген, а друг дел се претвара во триглицериди, што е модерен термин за масти. Па затоа, фруктозата = масти.

Ова не би било толку страшно, меѓутоа храната денеска е преполна со шеќери, вклучувајќи ја и фруктозата, којашто во својата најчиста форма е дури 70% послатка од шеќерот, што предизвикува поголема зависност. Според една статија во весникот „Mercola“ во 2012г, не треба да конзумираме повеќе од 25 грама или 5 мали лажички фруктоза на ден, а некој со прекумерна тежина или пак некој вид на болест, треба да го намали внесувањето на фруктоза до 10-15 грама или 2-3 лажички дневно. Сепак, нашето просечно конзумирање изнесува три пати повеќе од препорачаната количина дневно.

3. Шеќерот предизвикува зависност

Шеќерот ги менува нашите биохемиски процеси во мозокот и влијае на нашите допамински рецептори. Со цел да ја добиеме следната допаминска доза, би ни требала поголема доза на шеќер. Па затоа, денес во Америка, од 600.000 илјади прехранбени производи, 80% содржат некоја форма на шеќер, поконкретно фруктозата, затоа што е евтина и ни предизвикува зависност.

4. Фруктозата е хроничен отров за црниот дроб

Јадењето премногу храна со фруктоза се поврзува со голем број на хронични болести, како што се забавен метаболизам, висок холестерол, срцеви заболувања, масти во црниот дроб или цироза, хипертензија,  прекумерна тежина, хепатална отпорност на инсулинот па дури и болест на зглобовите како резултат на зголеменото производство на мочна киселина во телото. Фруктозата исто така може да предизвика отпорност кон лептинот, кој е хормон што му кажува на телото кога сте гладни или кога сте најадени.

5. Отстранувањето на влакната од исхраната доведува до зголемување на шеќерот во нашиот систем

Нормално, растенијата со фруктоза содржат влакна. Влакната, кои ние не ги конзумираме доволно, делуваат заштитнички.  Тие не само што не исполнуваат и го забавуваат варењето на храната, туку и помагаат во апсорпцијата на фруктозата во нашите тела. Сепак, во денешно време, со цедењето на овошјето (со што се уништуваат влакната), вадењето на влакната од храната (како на пр. белиот ориз, пченицата и белиот леб) како и огледувањето на овошје за поголема сладост и подолг рок на траење, си ги уништуваме шансите за поздраво тело.

6. „Природниот“ шеќер не доведува до погрешен заклучок

Фруктозата може да настанува по природен пат, што значи дека е присутна во сите овошја, зеленчуци, јаткасти плодови и семиња, но тоа не значи дека е добра за нас. Кога разговараме за тоа кој шеќер е подобар, многу ретко ги погледнуваме нивоата на фруктоза. Еве една кратка листа на девет „природни“ засладувачи и нивниот процент на фруктоза (варијациите во нивото често се должат на различните брендови и на тоа како е обработен шеќерот).

  • Агава нектар = 56-97%
  • Високо фруктозен пченкарен сируп = 42-90%
  • Тапиока сируп (замена за пченкарен сируп) = 55%
  • Бел шеќер/ од шеќерна трска, шеќерна репка = 50%
  • Мед = 38-50%
  • Кокос = 38-48,5%
  • Јаворов сируп = 30-45%
  • Меласа = 23%

7. Само затоа што шеќерот има низок глукемиски индекс (ГИ), тоа не значи дека е добар за нас

ГИ не доведува до погрешен заклучок поради неколку причини. Скалата е создадена за да се види колку се зголемува шеќерот во крвта по внесувањето на 50 грама јаглехидрати од некоја одредена храна. Како прво, 50 грама на јаглехидрати е прилично многу. Чест пример за тоа се морковите, тие имаат висок ГИ но за да внесете 50 грама јаглехидрати  од морковите морате да изедете половина килограм.

Треба да го следите глукемиското оптоварување, кое ќе ви каже колку храна треба да изедете за да ги добиете тие 50 грама јаглехидрати. Но, како што рековме, шеќерот не е само глукоза. Во повеќето случаи, се состои и од фруктоза. Па ГИ и глукемиското оптоварување не се соодветни за мерење на нивото на фруктоза во телото. Тоа е причината и зошто некои калории од шеќерот не се важни до одреден степен. Сите шеќери не се создадени на ист начин, тие се метаболизираат различно во телото и сите имаат различни последици доколку се конзумираат без ограничувања.

Поддржете ја нашата работа: