Молекуларната гастрономија е дисциплина на науката за исхраната која ги поврзува физиката и хемијата за да ја трансформира вообичаената храна во иновативни јадења.
Постојат неколку нови техники на готвење кои се развиени од страна оваа наука и кои можат да ви помогнат да ја претворите вашата кујна во вкусна лабораторија.
Во најновото видео на „Sci-Show“, со наслов „9 научни техники за готвење“ (9 Scientific Cooking Techniques), Мајкл Аранда ни објаснува како неколку јадења се возможни токму поради молекуларната гастрономија.
На пример, комбинирањето на храната е научно базиран метод кој се користи за да се спојат јадењата според нивните молекуларни компоненти.
Кога јадете нешто, хемиските соединенија ги стимулираат рецепторите за вкус на јазикот, при што се испраќа информација за вкусот до мозокот. Овој вкус зависи од компонентите на мирисот и аромата кои ги стимулираат ресепторите за мирис во вашиот нос.
Така на пример, путерот од кикирики и желето си одговараат бидејќи ги делат истите компоненти на арома, и ги активираат истите рецептори за мирис, при што се надополнуваат едни со други. Сланина и јајце, сирење на скара и супа од домати, па дури и бело чоколадо и кавијар се идеални комбинации на храна токму поради нивните молекуларни комбинации.
Ваквото спојување на јадењата помага да се создадат навистина неверојатни и вкусни комбинации на храна, што уште еднаш ни покажува дека готвењето истовремено е и уметност и наука.
