Дали силната светлина им помага на пациентите да се разбудат од кома?

Една мала студија направена во Австрија, вели дека силната светлина може да им помогне на пациентите во несвесна состојба, така штотаа ќе им го поттикне дено-ноќниот ритам и тоа може да ги разбуди од кома. Способноста на организмот, после тешки повреди и потреси да го поттикне мозокот да се разбуди од кома е проследена со природниот дено-ноќен ритам.

Студијата е направена на 18 пациенти во различни несвесни состојби.

Шансите за враќање на свеста можат да се зголемат откако еднаш кога телото ќе се врати во здрав циклус со подигнување и спуштање на телесната температура во текот на денот. Научниците исто така го потврдиле тоа на 8 пациенти со зголемено ниво на свест после третманот со внимателно поставено силно светло кое би било цел да ја поттикне активноста на дено-ноќниот ритам и природната функција на телесната температура.

На тестот за закрепнување на тешко повредените лица се покажало дека што поблиску била температурата до нормален ритам, тоа подобри резултати имале пациентите, вели истражувачот Кристен Блум од Универзитетот во Салзбург.

Новите откритија се сеуште прелиминарни, но сугерираат декаследењето на дено-ноќниот ритам може да послужи како дијагностичка алатка за следење на шансите за закрепнување на пациенти кои се во кома.

Во студијата, објавена во списанието Neurology, австриските научници пишуваат дека ваквата терапија ќе помогне во прилагодување на ритамот и ќе им олесни на пациентите да бидат поблиску до свеста.

Дено-ноќниот ритам му диктира на телото кога треба да јаде, спие или да биде будно. Кај здрави лица овој ритам покажува мали промени на телесната температура, која расте преку денот, а опаѓа во текот на ноќта.

Научниците една недела континуирано ја следеле телесната температура по пат на сензори поставени на кожата. Пациентите кои имале подобри резултати, имале телесна температура поблиска до онаа која е потребна за 24 часовен ритам. Осум од пациентите биле изложени на стимулација со силна светлина во текот на една недела. Дба од пациентите реагирале позитивно, покажувајќи будна состојба на умот.

Авторот на студијата предупредува дека студијата е премногу мала за да се потврди дека светлината благотворно делува на стимулацијата и постигнување на крајната цел. Истражувањето ветува многу и затоа од Универзитетот планираат да направат поголема студија со која ќе се потврди ефектот.

 

Поддржете ја нашата работа: