„Ји Чи“ (Yi qi) е еден примерок на диносаурски фосил откриен во Кина. Потекнува од доцниот Јура период. Се смета дека ова суштество е постаро од „Archaeopteryx“– најстарата позната птица. Има долги раце, со големи здрвени пердуви кои не служат за летање.
Рацете, исто така, имаат долга тенка коска која излегува од зглобот, прикачена за мембрана, слично како крилјата на лилјакот, птеросаурот или летечките верверичките. Ваков механизам досега не е забележан кај други птици или диносауруси.
Откритието сугерира дека имало повеќе фази во летањето (отколку што мислевме) на диносаурусите пред да еволуираат во птици.
Ксинг Ксу од Институтот за палеонтологија и палеоантропологија на р’бетници (IVPP) во Пекинг, Кина, и неговите колеги го идентификувале „Ји Чи“ како „scansoriopterygid“– слабо позната група на мали пердувести диносауруси.
Иако тие се поврзани со „Archaeopteryx“, се мислело дека не можат да летаат. Некои истражувачи укажуваат на тоа дека тие ги користеле рацете и прстите за качување по дрвја – што ги прави единствени диносауруси со таква способност.
Пронајдениот фосил е нецелосен, ги содржи двете раце, черепот и горниот дел од телото. Првиот впечаток за пердувите е дека се неспособни за лет, но мембраната од зглобовите е загатка.
Иако научниците се’ уште се двоумат дали Ји Чи лета или не, сите се согласуваат дека се работи за бизарно суштество кое нуди бројни морфолошки докази.
