Новото истражување направено од научниците од Хебрејскиот Универзитетот во Ерусалим, и од Германија и од САД , покажува дека начинот на кој мозокот го организира неговиот визуелен осет е зачуван дури и кај луѓе што се родени слепи и дека начините на функционалната поврзаност помеѓу деловите за визуелизација и за топографска претстава за простор (горе /доле, лево/десно итн.), може самостојно да се развиваат, без да постои вистинско визуелно искуство.
Овие наоди сугерираат дека, речиси половина век старите верувања дека визуелниот кортекс – дел од мозокот кој е одговорен за осетот за вид, воопшто не може соодветно да се развие кај луѓето што се родени слепи, не се во целост точни.
Истражувачите откриле дека оние „оддели“ во мозокот одговорни за „мапирање“ што се присутни кај луѓето со нормален вид, присутни се и кај лицата што се родени слепи. Основната организација на визуелниот кортекст била откриена дури и кај лица кај кои очите не биле нормално развиени. Ова укажува дека нормалниот развој на очите можеби не е неопходен за воспоставување на голема мрежа на функционално поврзување во повеќето основни визуелни области – како „V1“, примарниот визуелен кортекс.
„Некои од основните процеси на поврзувања во мозокот се веројатно генетски управувани и не се потребни никакви надворешни сензорни информации за нивно активирање, додека за други процеси, навистина е потребна визуелизација за да се „специјализираат“- велат научниците.
Наодите се објавени во списанието „Brain“
Поддржете ја нашата работа:
