Во превртениот свет на морските игли, женките се натпреваруваат со нивната конкуренција за парење, а мажјаците? Тие остануваат бремени!?
Таа улога на пресврт е ретка во животинското царство и затоа ги фасцинира научниците.
Машките морски игли, како морските коњчиња, морските змејови и другите риби од семејството „Syngnathidae“, се меѓу многу мал број на видови во кои мажјакот, а не женката се грижи за младите подолго време.
Кај сите овие риби, женката се’ уште произведува јајца. Но, тие го пренесуваат нивното квачило до специјализирано легло за носење на мажјаците. Потоа мажјакот се грижи за јајцата, често споделувајќи хранливи материи.
“Од гледна точка на истражувањето, морските игли се интересни поради единствената можност која им ја обезбедуваат на истражувањата за полова селекција во обратна насока, што ни кажува многу за нивната репродукција”, вели д-р Сара Флениган, постдокторски соработник на Националниот институт за математика и биологија.
Промената на улогите доведе до пресврт на типичните полови карактеристики забележани во дивината. Женските морски игли се најсветкави во овој вид, а некои се украсени со природни орнаменти. Тие се оние кои треба да се натпреваруваат со другите женки за мажјаците кои секогаш преферираат поголеми женки со цел да произведат повеќе јајца.
Но во новата студија, предводена од Флениган, со тим истражувачи од САД и Шведска, се наведува дека кога станува збор за додворување, женките не се однесуваат така само заради што тоа го сакаат мажјаците.
Тимот кој ги набљудувал поголемите морски игли, заклучил дека поголемите машки морски игли носат повеќе јајца и произведуваат здраво потомство, со поголеми шанси да преживее. Точно тоа е она што ги прави пожелни за женките и ги прави да се натпреваруваат со другите.
“Нашите резултати покажуваат дека поголемите мажјаци се парат порано од помалите и дека бремените мажјаци имаат повисока функција во споредба со останатите”, велат истражувачите.
Истражувачкиот тим забележал дека мажјаците кои се размножуваат порано можат да одгледаат повеќе потомци во текот на сезоната за парење.
”Оваа студија покажува дека постојат многу фактори кои се во игра во системот, повеќе отколку што можеме да претпоставиме, но сите влијаат на варијациите, особините и способностите што им овозможуваат ваква полова селекција”, вели Флениган.
На научниците не им е сосема јасно дали кај морските игли се случува отстапка од ова семејство на видови и за таа цел тие планираат во иднина да го прошират истражувањето, гледајќи во тоа како кај морските игли има улога генетиката во нивното репродуктивно однесување.
