Тренирани кучиња може да се користат од страна на лекарите за да се открие присуството на рак на тироидната жлезда во рана фаза и да се избегне непотребна хируршка интервенција. Кучињата имаат најмалку 10 пати повеќе рецептори за мирис од луѓето додека нормално е повеќето ловечки кучиња да имаат и до 300 милиони рецептори за мирис или за 60 пати повеќе од скромните 5 милиони кај луѓето.
Германскиот овчар Френки е првото куче тренирано да разликува бенигна болест на тироидната жлезда од малигниот рак на тироидната жлезда преку едноставно мирисање на урината на пациентот.
Имено, во едно истражување на Универзитетот во Арканзас, 34 пациенти дале примерок од урина при нивната прва посета на универзитската клиника, пред да извршат биопсија за сомнителни тироидни јазли. Резултатите од биопсијата се: рак кај 15 пациенти и бенигна болест на тироидната жлезда кај 19.
Истите примероци од урина, му биле дадени на Френки да ги помириса. Ниту тренерот на кучето, ниту координаторот на истражувањето не го знаеле статусот на секој од примероците.
Кога примерокот е канцероген, Френки легнува. Кога не е, се трга на страна. Од време на време е наградуван за точен одговор.
На крајот, кучето имало 30 од 34 погодоци. Чувствителноста или стапката на точност е 86,7 %, што значи дека Френки правилно идентификувал речиси 87 проценти докажани случаи на рак на тироидната жлезда. Кај бенигните примероци, точноста е 90%, односно погодил 9 од 10 пати
Дијагностичката точност на кучето е само малку помала од онаа на иглена аспирациона биопсија, метод кој генерално се користи за тестирање на тироидни јазли на ракот. Предноста на сетилото на мирис на кучињата како метод за откривање е тоа што е неинванзивен и ефтин. Се планира проширување на програмата и обука на уште кучиња.
