Модифицирањето на гените почна да спасува животи

Во 2015 година, девојче со име Лејла беше третирано со генетски модифицирани имуни клетки, со што беа елиминирани сите знаци од леукемијата од која страдаше девојчето. Третманот на Лејла беше првиот, но до крајот на 2017 година оваа техника би можела да биде спас за десетици животи.

Уредувањето на гените претставува измена или „исклучување“ на постоечките гени, што претходно беше исклучително тешко. Беа потребни години да се развие алатка за уредување на гените, но благодарение на револуционерната метода, позната како  „CRISPR“, ова сега може да се направи во рок од само неколку недели.

Фактички, „CRISPR“ функционира толку добро што веќе се започнати првите тестирања на оваа метода кај луѓе. Кина почна да ја користи техниката да го исклучи генот наречен „PD-1“ од имунолошките клетки земени од лице заболено од рак. Прочитајте повеќе на енаука.мк.

Тестирањата што треба наскоро да започнат во САД се далеку поамбициозни. Тука ќе биде вклучено и додавање на екстра гени модифицирани да ги натераат имунолошките клетки да ги таргетираат туморите, а потоа со помош на „CRISPR“-техниката да го исклучи „PD-1“ и два други гени.

Додавањето на гени што ги таргетираат туморите веќе покажа ветувачки резултати на тестирањата за рак, како што е леукемијата, но не функционираше добро кај солидните тумори. Надежта е дека комбинацијата од двете техники ќе го направи третманот далеку поефикасен.

Доколку се покаже дека ваквото модифицирање на гените е безбедно, тоа би можело наскоро да почне да се користи за многу поширок спектар на заболувања, најверојатно почнувајќи со заболувањата на очите.

Поддржете ја нашата работа: