Научниците го потврдија присуството на метан на Марс

СПОДЕЛИ

Повеќегодишното прашање дали на Марс има метан, конечно би можело да се одговори, бидејќи научниците го потврдија постоењето на овој гас на Црвената планета, како и тоа од каде истиот доаѓа.

Уште пред 15 години, европската сонда извести за траги од метан во атмосферата на Марс, но многу научници не беа сигурни дали тие податоци се точни, бидејќи метанот, барем на Земјата го произведуваат организми.

Доколку неговиот извор се микроорганизми, научниците може да набљудуваат и да откријат кој вид на жив организам постои на Марс, стои во извештајот објавен во магазинот Nature Gеoscience.

Сега, меѓународниот тим на научници ги споредил набљудувањата со две различни сонди кои податоците ги собрале во 2013 година со цел да пронајдат цврст доказ дека на Марс постои метан – пишува Phys.org.

Откриле дека изворот најверојатно е замрзнатиот метан под карпите во близина т.н. кратерот Гејл за кој долго време се смета дека е всушност исушено езерско корито. Сметаат дека таа ледена покривка понекогаш испушта метан во атмосферата.

“Ова е доста возбудлива тема која не ја очекувавме. Две целосно засебни истражувања посочуваат на исто подрачје кое би можело да биде извор на метан”, вели Марко Гиурана од Римскиот национален институт за астрофизика.

И додека метанот е знак на живот на Земјата, Гиурана вели дека неговото присуство на Марс не мора нужно да значи постоење на живот на Црвената планета.

“Метанот е важен бидејќи би можел да биде индикатор за микробиолошки живот. Одредени видови на микроби го користат метанот како извор на енергија. Меѓутоа, метанот може да с произведе и при абиотички процес”, вели Гиурана.

Дискусија

Коментари

СПОДЕЛИ
------- Донации -----------------------------------------------------------------------------BTC : 32CyCcnLh1wnLp5LqTm72BrWTsonxYtu7n --------------------------------------ETH: 0x5EB1a3010c339F794c2DA50Fd215Afc6B76334EA ----------------------------