Дејвид Беган од Универзитетот во Торонто, Канада, ги анализирал фосилите на мајмуните од родот „Dryopithecus“ кои живееле на територијата на денешна Европа пред околу 12,5 милиони години. Тој вели дека карактеристиките на черепот сугерираат дека „Dryopithecus“ не еволуирал пред големите мајмуни, туку дека и самиот бил голем мајмун, односно еден од првите горила.
Се смета дека едни од најраните мајмуни кои се разделиле од човечкиот род се орангутаните, потоа „Dryopithecus“, па горилата, па шимпанзата. Но, ако „Dryopithecus“ е всушност горила, тоа ги доближува видовите до шимпанзата, односно до човекот – и значи дека „Dryopithecus“ се разделил од човекот пред 14 милиони години, а шимпанзата пред 10 милиони години. Тоа е повеќе од 2 милиони години порано од претходните проценки засновани на фосилни остатоци, но всушност поблиску до сегашните проценки засновани на генетска анализа.
Овие податоци ќе бидат презентирани на годишниот состанок на Здружението за палеонтологија на ’рбетници во Далас, Тексас, кој ќе се одржи при крајот на месецот.
