Плутон има облаци?

Вселенското летало Нови Хоризонти кое минатата година прелета покрај Плутон овозможи неверојатен поглед на Плутон и неговата изненадувачки сложена атмосфера која вклучува многу слоеви на магла над ледените планини.

Сега, истражувачите ја дискутираат можноста да забележале индивидуални облаци кои укажуваат на уште побогата атмосферска разновидност.

Првите знаци за облаци ги забележал Вил Гранди од опсерваторијата Ловел во Аризона, на 13 септември минатата година, неколку дена пред објавувањето на фотографиите. Тој забележал некои светли карактеристики кои се разликуваат од останатите слоеви магла и што е уште поинтересно тие се движеле на различни делови, што сугерира на тоа дека лебдат над земјиштето.

Ова покренало дискусија за тоа дали навистина се работи за облаци и научниците не биле сигурни се до 1 март оваа година кога пристигнале новите фотографии од Нови Хоризонти и Џон Спенсер од Југозападниот истражувачки институт од Колорадо забележал облак кој се издвојува од површината.

Се’ уште не се знае од што се направени облаците, но најверојатно имаат сличен состав како и атмосферата, која според научниците се состои од азот, траги на метан, ацетилен, етилен и етан.

Нови Хоризонти треба да испрати уште многу слики до крајот на година, па можеби тогаш ќе дознаеме за што точно станува збор.