Кршејќи го претходниот рекорд од околу -110°C, истражувањето не носи поблиску до остварување на сонот за суперпроводници на собна температура. Еден ден би можеле да се променат начините за генерирање и пренос на електричната енергија.
Способноста да се постигне суперспроводливост без ладење, не само што ќе ги револуционизира технологиите кои веќе се потпираат на неа, како што се Маглев возовите, МР машините и акцелераторите за честички, туку и одеднаш сите наши електронски уреди ќе станат ултра-ефикасни. Губење на нула енергија на отпор и без потреба за индустриско ладење би значело дека се’, од ветерните турбини до електричните мотори и полначи за лаптоп, ќе трошат значително помалку електрична енергија.
Тимот од Институтот за хемија „Макс Планк“ ги добил првите навестувања дека водород сулфидот вреди да се истражува во декември. Сега велат дека кога користат дијамантска наковална за примероци на водород сулфид во екстремни количини на притисок, околу 1,5 милиони атмосфери (150 гигапаскали) и ги ладат на -70°C, тие се трансформираат од гас во метал и постигнуваат суперспроводливост.
Суперспроводливостa е дефинирана со две главни карактеристики: нула електричeн отпор и нешто познато како Мајснеров ефект. Мајснеровиот ефект се случува кога еден материјал прави транзиција од нормална до суперспроводлива состојба, каде што ги исфрла магнетните полиња од внатрешноста. Овој феномен предизвикува магнетите да лебдат над суперпроводниците.
Освен релативно високата температура која се користи за да се постигне оваа возбудлива состојба, научниците се интензивно заинтересирани за резултатот бидејќи тоа беше постигнат без користење на егзотични материјали како што се соединенијата од бакар наречени „цупрати“, кои досега го држеа рекордот за највисока суперспроводлива температура, -140°C на атмосферски притисок и -109°С на висок притисок”.
Додека тимот не е сосема сигурен зошто сулфурводородните суперпроводници работат, хипотезата е дека тоа би можело да има врска со материјалот преполн со водородни јони, кои ги „охрабруваат” електроните да формираат Куперови парови. Куперовите парови може да течат низ кристалната хелиум структура на новоформираниот сулфурводород метал без отпор, па така електричната струја низ нив тече побрзо.
Деталите од истражувањето се објавени во „Nature“.