Прекугранично партнерство за заштита на животната средина и подобар квалитет на живот

ЗГ „Центар за климатски промени“ – Гевгелија започнува  информативна кампања за промовирање на проектот „Прекугранично партнерство за заштита на животната средина и подобар квалитет на живот“ финансиран преку ИПА програмата за прекугранична соработка на Македонија и Бугарија, прв повик 2014TC16I5CB006-2015-1.

Главната цел на проектот е да се интензивира и промовира прекуграничната соработка помеѓу луѓето и институциите за заедничко решавање на еколошки проблеми поврзани со управувањето со отпадот и спречување на загадувањето во пограничниот регион, преку што ќе се овозможи подобар квалитет на животот во регионот.

Информативната кампања ќе се спроведува во сите општини од Југоисточниот регион и во истата ќе бидат вклучени ученици од основните училишта на возраст од 6 до 15 години, граѓански организации и мали и средни претпријатија кои работат во областа на управување со отпад. Воедно на  12 основни училишта ќе им бидат донирани 2 сета канти (секој сет ќе се состои од четири канти различни по боја за собирање на различни типови на отпад: стакло, хартија, пластика и отпад од електрична и електронска опрема), две туби за собирање на отпадни батерии и 50 стапчиња за собирање на отпад.

Во рамките на проектот ќе биде изработена апликација за мобилни телефони со која ќе може секој да пријави диви депонии и други загадени области во пограничниот регион, програма за обука наменета за основните училишта која ќе опфаќа теми за управувања со отпад, негово намалување и рециклирање и едукативна книга за животниот циклус на отпадот намената за деца и ученици до 16 годишна возраст.

Од месец Март веќе е во употреба интернет порталот на проектот www.waste-edu.eu, на кој може да се прочитаат подетални информации за проектот и тековните активности.

  
Овој проект е кофинансиран од Европската унија преку Interreg – ИПА Програмата за прекугранична соработка Бугарија – Македонија

Оваа публикација е остварена со помош на Европската Унија. За содржината на оваа публикација одговорност носи исклучиво ЗГ „Центар за климатски промени“ – Гевгелија и не може во никој случај да го одразува ставот на Европската Унија.

enauka.mk
9,250наслови од 2014 година

За љубопитноста што нè поврзува.

Вашата донација помага науката да стигне до повеќе читатели.

BTC · DOGE · ETH · SOL
≈ 3,325денари
Вкупно донирано

Донирај за науката на македонски

Избери мрежа за да ја видиш адресата.

Адреса (BTC)
QR-код за крипто адресата

Ви благодариме што ја поддржувате науката на македонски.