Компјутерските експерти од Стенфорд креирале база на податоци од 130 илјади слики од кожни заболувања и „истренирале“ еден посебно направен алгоритам да препознае(потенцијален) рак на кожата. Веќе при првото тестирање, добиени се импресивни резултати.
Овој труд, кој беше објавен во списанието „Nature“ на 21-ви јануари, го поминал тестот со повеќе од 20 дерматолози. Алгоритмот со успешност на човечко ниво ги препознава лезиите кои ги претставуваат најчестите и најсмртоносни форми на рак.
Кај ракот на кожата прв и основен чекор за дијагноза е визуелниот преглед. Дерматолзите генерално вршат идентификација дали некоја промена е канцерогена преку визуелниот преглед. Ако резултатот е сомнителен,следи биопсија.
Со воведување на овој алгоритам во компјутерите не само што би се намалиле трошоците за првиот преглед, туку и би се спасиле огромен број на животи, благодарение на раното откривање.
Како основа на алгортмот од Стенфорд му служи постоечкото решение на „Google“, кое е „тренирано“ да препознае 1,28 милиони слики од илјадници категории. Првично е направен да распознава само мачки и кучиња, но на Стенфорд го „научиле“ како да препознае малигно заболување и да го разликува од безопасните промени на кожата. Дополнителна предност во користењето на овој алгоритам претставува и фактот дека може да се врши фино подесување за чувствителност во голем број на додатни параметри.
За дијагнозата што ја изведуваат на Стенфорд потребен е компјутер, но истиот тим веќе планира да направи мобилна апликација која на корисниците ќе им овозможи да се дијагностицираат од дома и во секое време.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
