Месечината е гравитациски поврзана со Земјата што значи дека секогаш ни ја покажува истата страна додека прави целосна обиколка за околу еден месец. Значи, од вселенските летала може да се види само едната страна од Месечината.
Ова не е првиот поглед на далечната страна на Месечината- (првите снимки биле направени од Советската сонда „Луна 3“ во 1959), но изгледа навистина спектакуларно.
Серијата снимки биле направени на 16 јули, во периодот помеѓу 3.50 и 8.45 часот попладне, според Источниот часовен појас, со камерата „EPIC“ (Earth Polychromatic Imaging Camera) што се наоѓа на опсерваторијата „DSCOVR“. Таа е дизајнирана да ја гледа Земјата од далечина и да ја набљудува атмосферата.
На почетокот на анимацијата може да се види Северна Америка, а на крајот од анимацијата се наѕира Австралија.
Ако погледнете внимателно, на десната страна од Месечината ќе забележите чудна зелена трага. Тоа е затоа што сликите во боја се комбинација од црвени, зелени и сини слики што се снимаат на секои 30 секунди. Месечината се движи нешто поспоро од периодот помеѓу сликите, па затоа тие не се совршено подредени што создава појава на дополнителна зелена боја.
Сликите се направени како дел од тестирањата што се прават за да се утврди дали леталото функционира како што се очекува, но во НАСА велат дека „DSCOVR“ би требало да ја снима Месечината како поминува околу Земјата два пати годишно.
И ако се прашувате зошто темната страна на Месечината не е темна, тоа е затоа што како што ротира Месечината, секоја од страните е осветлена од Сонцето секои две недели, така што не постои постојано темна страна од Месечината.
