– Математиката на прв поглед изгледа толку страшно и непознато за многу луѓе, меѓутоа кога ќе се рабере барем малку суштината на математиката и математичкото моделирање ќе се види дека станува збор за прекрасна научна дисциплина која ни го покажува патот на развојот и прогресот, и дека станува збор за дисциплина без која е незамисливо модерното човечко постоење.Енаука.мк ќе се обиде преку ова интервју барем малку да ви го приближи светот на математиката и на луѓето кои го посветиле целиот живот на истата. –
Како теоријата на математичко моделирање се промени со текот на времето, од времето кога Вие сте започнале со кариерата?
Она што е јасно е дека секое поле на науката станува се повеќе квантитативно. Ние сме сега влезени во такви процеси, да од повеќе научни области како: медицината, биологијата, инженерингот и т.н. добиваме огромни количини на податоци и само преку математиката може да им се даде смисла на тие податоци. Само преку моделирање може да се изолира и осмисли основниот механизам ( како функционираат системите опишани преку математика ) кој потоа се користи како моќно средство за предвидување.
Но, основите остануваат исти: Во суштина математика нуди универзален јазик за разбирање на природните, човечките и општествените феномени. Во сите области во кои работиме, дали е тоа економијата, климата или човечкото тело, улогата на математичарот не е да обезбеди совршено предвидување, туку да се најдат релевантни и корисни прашања кои можат да бидат „нападнати“ т.е. решени. На пример, ако се зборува за климата, ние не се обидуваме да ја предвидиме температурата во различни периоди и места, туку општиот тренд на температурната еволуција. Математика ти го кажува она што може да се одговори и покрај комплексноста.
Што подразбирате под поимот „добар проект“?
Добриот проект мора да биде возбудлив и амбициозен во интелектуална смисла. Проблемот треба да биде важен и интересен. Создаваме модели корисни за другите. Понекогаш само поради тоа што прашањето е интересно, дури и ако математиката не е толку длабока. Проблемите, или класите на проблемот, кој мислите дека ќе дадат јасен интелектуален предизвик се добредојдени – уште една тула во градењето на општата теорија. Но, не можете да направите ништо од тоа во вакуум – тоа мора да биде значајно во својата област и во тесна соработка со експерти од таа дисциплина.
Тоа веројатно важи и за повеќето од проблемите на кои никако не можете да им ја доловите суштината – постои баланс помеѓу проблем за кој сите се согласуваат дека е интересен и проблем кое е реално корисен. Треба да се идентификува основната комплексност и да ја претворите во прашање кое може да се одговори. Значи, навистина е важно секогаш да се знае најопштиот основен проблем кој се наоѓа зад помалите.
Јас особено сакам проблеми кои се поврзани со обликот, биолошките функции, морфогенеза или оние кои се суштински визуелно убави. На пример, со мојот колега Дерек Mолтон, работевме на модели за раст на морски школки. Прашањето е да се разбере како да се сретнат овие морфолошки облици и дезени кои се развиваат во организмот. Сметам дека е навистина привлечно од интелектуална и естетска гледна точка. Тоа е причината зошто заслужува одговор, дури и ако нема јасна примена.
Како дојдовте да работите овде?
“Јас предавав во Белгија математичка физика, а потоа се преселив во САД каде што 17 години поминав во областа на применета математика. Во Велика Британија дојдов пред околу пет години, кога се појави можност за соработка и преземење на директорската позиција на Оксфорд центарот за соработка за применета математика “.
Кои се капацитетите и ресурсите за математичко моделирање на Оксфорд?
Новата „Andrew Wiles“ зграда содржи прекрасни објекти за интеракција. Многу луѓе од огромен број науки и дисциплини, едноставно уживаат во посетата. . Просторот промовира отворена соработка помеѓу дисциплини. На пример, имавме дебата меѓу општествените науки и математика за наративноста и доказите – овде тоа е многу лесно да се направи. Предвидени се низа на интердисциплинарни апликации.
Во рамките на математиката ние се обидуваме да ја демонстрираме практичната примена на нашата работа, да останеме флексибилни и отворени за нови идеи – зградата обезбедува соодветна средина за тоа. Оксфорд во целина, претставува прекрасно место за применета математика, бидејќи поради интеракциите на сите различни нивоа меѓу различни колеџи и одделенија. Математиката е високо ценета тука како нешто што може да го подобри разбирањето на другите дисциплини.
Кој тип на карактер мислите дека е потребен за да се биде добар математичар?
Во применета математика треба да бидете љубопитни и ќе мора да бидете подготвени да учите и да излезете од вашата удобна зона, додека клучот во интеракција со другите дисциплини е способноста да се поставуваат прашања и да се формулираат проблеми кои може да се решат математички, обезбедувајќи нов увид во процесот.
Што Ви дава најмногу задоволство од работата?
Јас би рекол дека радоста на истражување и интеракција со студентите и колегите. Но, пред сè, моментот на успешно разбирање на некои природни феномени преку математиката и подлабоко разбирање на математичките структури преку нивна реализација во науката или уметноста .
Што би сакале да се смета како наследство на Вашата работа?
Некои луѓе веруваат во важноста на нивните истражувања и се надеваат дека ќе остават интелектуално наследство во смисла на нивната работа. Лично, мојата надеж за наследство е преку луѓето со кои имам интеракција : студентите и колегите. Се надевам дека ќе се сеќаваат на нашите дискусии и дека им помогнало во креирањето на визијата за светот. Што се однесува до мене, јас се надевам дека последниот час ќе го посветам на математиката.
