Булозната епидермолиза, позната и како болест на децата пеперутки, наскоро би можела да се лекува со гел развиен од научниците од Универзитетот Стенфорд.
Булозната епидермолиза е состојба која ја прави кожата исклучително чувствителна, толку многу што може да биде многу оштетена и при најмал допир, слично како крилјата на пеперутка.
Поблагите облици на оваа болест може да се ублажат со текот на времето додека децата растат, но кај некои потешки форми не постои лек, па дури може да биде и фатална.
Терапијата со матични клетки е ефикасна кај децата пеперутки, но е многу комплицирана бидејќи бара кожни графтови, хоспитализација, анестезија и високи трошоци за лекување.
Научниците од Стенфорд сега открија многу поедноставен и поевтин третман кој би можел значително да им го олесни животот на пациентите. Нивниот гел за надворешна употреба може да се нанесува при облекување на рани предизвикани од булозна епидермолиза и содржи терапевтски ген кој се шири директно на кожата, пишува „Science Alert“.
