Една компанија која се занимава со сексуален велнес, неодамна спровела истражување во кое откриле дека повеќето жени пријавиле сјај на кожата и елстичност, како и помалку брчки и опуштена кожа по неколку недели постигнување оргазам во текот на мастурбацијата.
Истражувањето, за кое пишува женскиот магазин, „Shape“, се правело на група од 33 жени кои користеле и сексуални помагала во период од 4 недели. Околу 64% од жените изјавиле дека кожата им изгледа посветла, а 66% дека кожата им добила сјај. По 8 недели, 56% од жените пријавиле подобра текстура на кожата, а 59% поцврста и обликувана кожа. Вкупно 66% од жените пријавиле генерално подобар квалитет на кожата.
Секако истражувањето е спроведено на мал број жени и не е јасно дефинирано дали станувало збор за секојдневна мастурбација, но придобивките секако се јасни.
Како оргазмот при мастурбација е поврзан со подобра кожа?
Оргазмот го зголемува нивото на естроген во телото кај жените во предменопауза, а овој хормон е одговорен за одложување на стареењето на кожата. Околу 50. година од животот, јајчниците почнуваат да произведуваат пониско ниво на естроген, што е една од причините зошто се менуваме со возраста, нашата кожа ја губи еластичноста, станува сува, ни се намалува нивото на колаген, кој е клучен за сјајност и младоликост на кожата.
