„Трчав на плажа и си помислив што е тоа? “Беше прилично големо. Еден рибар ми рече дека тоа би можело да биде џиновска ајкула. Никогаш не сум видел нешто слично”, рекол Стивен Дејвис, 72-годишен жител на Њу Брајтон.
Утрото на 5 јануари, во близина на реката Мерси, на устието на заливот Ливерпул, нашол остатоци од огромно суштество исфрлено на песочниот брег. Суштеството било високо четири и пол метри.
И покрај тоа што локалното население го нарекува необичното суштество „џиновски вонземјанин“ или „Неси од Њу Брајтон“, Дејвис всушност наишол на остатоци од џиновска ајкула (Cetorhinus maximus).
Џиновската ајкула е втор по големина вид риба после кит-ајкулата. Може да порасне до 12 метри во должина. Обично престојува во умерените океани. Иако се огромни животни, тие не се големи предатори. Најчесто се движат бавно и се хранат со планктони.
Крис Кјуретон од организацијата British Divers Marine Life Rescue (BDMLR) ги испита пронајдените остатоци и потврди што се, пишува Science Alert.
„Доказот дека станува збор за џиновската ајкула беше втората грбна перка. Опашката беше полна со коски, а ако беше кит, ќе беше полна со месо“, објаснил Кјуретон.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
