Во Амазон е пронајден нов вид на оса, која ја краси огромна игла поради која изгледа помалку застрашувачки.
Иако живееме во време кога многу видови на животни се загрозени или изумираат, убаво е да се види како природата може да не изненади со нешто ново. Овој пат со инсект кој е најблизок со обичната оса која ја знаеме од нашето поднебје (Vespula vulgaris), но само налик, и живее во Амазон.
Оваа оса низ својата голема игла лачи моќен отров кој ги парализира своите жртви. Инаку, clistopyga crassicaudata е паразитски вид кој не само што има долга игла, туку е и многу поголема од останатите видови, велат тимот на научници во статијата, која е објавена во списанието Zootaxa.
Од меѓународниот тим на научници посочиле дека овој необичен вид на оси може да се најде меѓу Андите и на просторот на прашумите во Амазонија.
“Веќе подолго време ги проучуваме тропските паразитски оси и никога немам видено нешто што личи на ова”, вели професор Илари Саеаексјаерв од Унивеерзитетот Турк.
Паразитските оси ги положуваат јајцата во внатрешноста на пајаци, а со иглата истискуваат отров во телото на жртвата. Отровот ја парализира жртвата. Ларвата потоа го јаде пајакот и сите достапни пајакови јајца. Сите оси женки имаат отров. Органот со кој ги положуваат јајцата функционира исто како игла, долг и погоден за достигнување до животните кои, на пример, живеат во внатрешноста на стеблата.
“Не знаеме со сигурност кој вид на пајак го сака осата. Големата игла изгледа како софистицирано оружје и ние сеуште ја погодуваме неговата намена”, истакнува професорот Саеаексјаерв.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
