После многу контроверзи и одложувања , компнијата „Hyperloop One“ почна со изградба на тест патеката каде ќе се тестира револувионерното превозно средство.
Транспортниот систем „Hyperloop“ кој е замисла на извршниот директор на СпејЕкс и Тесла моторс Илон Маск, сега почнува да станува реалност во пустината Невада, во близина на Лас Вегас.
Се работи за технологија која користи затворени вакуумски цевки, погон без триење и затворени капсули кои се движат со брзина блиска до брзината на звукот.
Тест патеката која се состои од серија цевки со дијаметар од 3,3 метри и должина од 500 метри е наречена „DevLoop“.
Кога ќе биде завршен, овој систем би можел повеќечасовните меѓуградски патувања да ги скрати на само неколку минути.
„Hyperloop One“ би требало да биде тестиран до средината на оваа година.
„DevLoop“ беше претставен на конвенција во Дубаи, каде се планира да се гради и првиот комецијален „Hyperloop“ систем – од Дубаи до Абу Даби.
