Зошто земјата после дожд има карактеристичен мирис?

Дали знаете зошто земјата после дожд го има оној познат карактеристичен мирис?

Специфичниот мирис кој се испушта од земјата откако ќе се натопи со дожд е наречен петрикор. Тоа име е дадено од страна на двајца австралиски истражувачи во шеесеттите години од дваесеттиот век. “Петра” на грчки значи камен, додека “икор” се однесува на збор од митологијата – течност која тече низ вените на грчките богови.

На крајот, имено се докажало дека за тој специфичен мирис се одговорни бактериите кои живеат во земјата. Изабел Беар и Ричард Томас, во тоа време за списанието “Nature” појасниле дека мирисот доаѓа од растителните масла кои ги апсорбирале земјата и камењата.

Кога дождот ќе ја натопи земјата и ова масло дојде во контакт со водата, се ослободува еден продукт од бактерии, наречен геозмин.

Геозмин (од грчки “мирис на земјата”) е она што го носи тој специфичен мирис, а е одговорен за познтиот “земјести” вкус на цвеклото.

Поддржете ја нашата работа: