Праисториски камп што го користеле пустински номади беше откриен под песочни дини во регионот Негев. Директорката на ископувањето Лорен Дејвис рече дека археолозите пронашле и камени алатки и садови, но јајцата биле посебно откритие.
Prehistoric ostrich eggs for cooking found in Israel https://t.co/eiz5sNGfON
— BBC News (World) (@BBCWorld) January 12, 2023
Дивите ноеви биле вообичаени жители на споменатиот простор до 19 век. Јајцата на овие големи птици се пронајдени на бројни локации и потекнуваат од различни периоди. Тие јајца не само што биле извор на храна, туку биле користени за носење вода, како украси и како погребни садови.
„Иако јајцата од ној не се невообичаени во ископувањата, интересно е тоа што никогаш не биле пронајдени коски од оваа голема птица. Ова може да укаже дека во праисторијата луѓето избегнувале да ловат ноеви и биле задоволни со собирање на нивните јајца“, вели Амир Горзалчани, израелски експерт за антиквитети.
Познато е дека едно јајце од ној има иста хранлива вредност како 25 кокошкини јајца.
Близината на јајцата до огништето откриено во областа Beer Milk укажува дека тие биле намерно собрани и користени за храна. Јајцата се скршени, но сепак добро сочувани бидејќи долго време биле под песок, а и сувата клима придонела за нивно зачувување.
