Не случајно ракијата има свое место на нашата страница – студиите покажуваат дека умереното консумирање алкохол ја зголемува концентрацијата на добриот, а го намалува нивото на лошиот холестерол. Од здравствен аспект – умерените консументи на ракија поретко заболуваат од кардиоваскуларни болести, како што е, на пример, покачениот крвен притисок. Еве зошто е добро умереното пиење ракија…
Ракијата е добра за крвните садови – Една чашка ракија го лекува воспалението на внатрешниот ѕид на крвните садови во кој се наоѓаат масни наслаги, кои може да предизвикаат срцев удар. Исто така, го забавува и создавањето на тромбови и го забрзува нивното распаѓање.
Ослободува од стрес – Ракијата е природно антистрес средство. Ако пиете умерено, делува на нервниот систем така што ве опушта. Важно е само да не се претерува, една до две чашки е доволно.
Го намалува ризикот од срцев и мозочен удар – Ракијата го спречува создавањето на наслаги на холестерол и го поттикнува неговото намалување. На крајот на краиштата, сето ова влијае на намалување на ризикот од појава на срцев или мозочен удар.
Не дебелее – Интересно, но чашка ракија има малку калории и не дебелее. Го намалува нивото на холестерол во крвта, што е, исто така, значајно за сите оние кои се борат со прекумерна тежина. Од ракијата сигурно нема да се поправите, особено ако ја пиете во умерени количини.
На здравје!
Мерки на претпазливост – Во случај кога ракијата или кој било друг алкохол се консумира претерано, тогаш има штетно дејство. Ако често се зема поголема доза на алкохол тогаш е штетен бидејќи може да го оштети срцевиот мускул и да доведе до собирање на периферните крвни садови. Во случај на долготрајно секојдневно пиење поголеми количини алкохол, може да дојде до задебелување и зголемување на срцевиот мускул, при што жените се поподложни на овие промени. Во исто време доаѓа и до покачен крвен притисок.
