Колку балоните се опасни?

Прослави за родендени, дипломирање, свадби и многу други празнување не можат да се замислат без балони. Но, каде завршуваат веќе употребените балони кои се составени од гума, латекс, неопрен, ткаенина или најлон?

Групите кои се борат за заштита на животната средина, веќе со години се трудат за промена на законите и пробуваат да ја забрзаат забраната за фрлање на вакви материјали на секое место, тврдејќи дека балоните се опасни за дивите животни.

“Балоните претставуваат сериозна закана за дивите животни затоа што се шарени и сјајни, па така животните можат лесно да ги заменат со храна” – вели Ема Тонг, портларол на Националната управа за океани и атмосфера во САД.

Неколку американски држави веќе забрани фрлање на употребени балони. Такви се Калифорнија, Флорида, Тенеси и Вирџинија.

Универзитетот Клемсон, исто така одлучи да ја прекине традицијата од пуштање до 10 000 балони за време на фудбалските мечеви. Во овие градови се забранува продажба, употреба и дистрибуција на балони.

“Балоните се ризик за животната средина, па и за морските животни. Секој кој ќе обрне малку внимание ќе забележи дека остатоците од балони се присутни насекаде и дека станаа вообичаена појава во локалните морски екосистеми” – се наведува во соопштението на веб-страните на овие градови.

Кенет Лакост, за Си-Ен-Ен вели:” Премногу сме загрижени. Постојат многу податоци за штетите кои и ги прават балоните на животната средина и дивите животни. Од истата причина треба да се забранат и пластичните кеси за еднократна употреба”.

Непрофитната организација “Балунс блоу” им укажува на луѓето за сите опасности кои ги предизвикуваат балоните. Животните, како што се птиците, китовите и морските желки можат да изумрат доколку проголтаат остатоци од балони.

Истата организација предлага еколошки поприфатливи решенија, како замена за балони, како форми од обоена хартија која полесно може да се рециклира.