НАСА пронајде начин „Војаџер 2“, леталото старо 48 години, да продолжи со научната работа и во наредната година. Инженерите направија промени во потрошувачката на енергија, со што ги зачуваа трите преостанати научни инструменти.
„Војаџер 2“ и неговиот близнак „Војаџер 1“ се напојуваат со радиоизотопски термоелектрични генератори. Тие произведуваат електрична енергија од топлината што се ослободува при распаѓањето на плутониумот, но секое летало губи околу четири вати достапна моќност годишно.
Поради намалувањето на енергијата, тимот на НАСА исклучи дел од несуштинските системи и воведе алтернативи со помала потрошувачка. Новата конфигурација, која во НАСА ја нарекуваат „Big Bang“, овозможи леталото да остане доволно загреано во екстремно студената средина далеку од Сонцето.
Секој од „Војаџер“ првично носеше по десет научни инструменти. „Војаџер 2“ денес користи само три, откако два инструменти беа исклучени од 2024 година поради енергетските ограничувања, а други престанаа да се користат по завршувањето на прелетите покрај планетите.
„Војаџер 2“ се наоѓа на околу 142 астрономски единици од Сонцето и влезе во меѓуѕвездениот простор во 2018 година. НАСА планира слични промени и кај „Војаџер 1“ во следните месеци. Сигналот до леталата патува речиси 24 часа во еден правец.
