НАСА: Виралните видеа „Во живо од вселената“ се лажни

На неколку популарни фејсбук страници како  UNILAD, Viral USA и INTERESTINATE беше објавен наводен видео пренос во живо кој покажува како двајца астронаути работат надвор од меѓународната вселенска станица.

Видеото за неколку часа стана вирално и им донесе милиони прегледи и лајкови на наведените фејсбук страници меѓутоа сепак на крајот на денот се испостави дека целата работа е наместена и монтирана.

Многу светски интернет портали меѓу кои и доста наши интернет портали и медиуми, наседнаа на местенката и ја споделија информацијата дека се случува интересен настан на меѓународната вселенска станица кој се пренесува во живо доведувајќи ги своите читатели и гледачи во заблуда.

The video on Viral USA’s Facebook

Представници од NASA изјавија дека тие редовно даваат известување доколку е планирано излегување на астронаутите надвор од вселенската станица, и бидејќи такво нешто нема треба да биде доволен индикатор за сите медиуми дека наводните видео преноси во живо се лажни.

Во секој случај некој заработи некој долар и направи тест на платформата на фејсбук за пренос во живо.

Советот е доколку дојдете во контакт со „пренос во живо од вселената“ од некоја неофицијална фејсбук страна да не се возбудувате премногу дека тоа навистина се случува во живо, но слободно можете да се воодушевувате на видеото и да го лајкнете доколку истото ви се допадне.

Автор: Влатко Стефаноски