Научниците создадоа нова форма на „робот“, не изработен од метал, пластика и жици, туку целосно од живи клетки.
“Овие се нова форма на машини. Тие не се ниту традиционален робот, ниту вид на животно. Тоа е нова класа: жив, програмабилен организам”, вели ко-водечкиот автор Џошуа Бонгард, компјутерски научник и експерт за роботика во Универзитетот во Вермонт.
„Гледате во клетките со кои ги градевме нашите ксеноботи, и геномски, тие се жаби“, додаде ко-лидер Мајкл Левин, кој го насочува Центарот за регенеративна и развојна биологија во Тафтс. „Тоа е 100 проценти ДНК од жаба – но овие не се жаби. Па се прашувате, што друго, што можат да градат овие клетки?“
Новите „суштества“ засега се многу мали (тие се со дијаметар околу 650-750 микрони), но тие веќе се способни да вршат специјализирани работи. Една од живите машини е во состојба да се пробие низ вода со помош на две екстремитети, додека друга има џеб што би можел да се искористи за да носи некои многу ситни товари. Користејќи ги овие вештини, тие може да се користат за испорака на лекови во телата на пациентите или за чистење на загадените мориња.
