Се ближи моментот кога ќе го видиме новиот IPhone кој е најголем и најскап досега

СПОДЕЛИ

Се приближува моментот кога Apple ќе го претстави новото издание на својот паметен телефон, а можно е и други додатни гаџети, сервиси и софтвери. Сепак, во центарот на вниманието, секако ќе биде новиот модел на IPhone, за кој се зборува веќе со месеци.

Меѓу останатото се зборува и дека можеме да го очекуваме досега најскапиот и најголем IPhone досега, дека новите модели ќе ја добијат ознаката XS, дека најефтиниот модел нема да биде баш добар, дека би можела да изостане поддршката за 3D Touch и Apple Pencil, дека ќе чини од 649 евра па нагоре…

Покрај новите модели на IPhone, се зборува дека би можеле да бидат претставени и новиот iPad, iMac mini и Air, како и нова генерација на паметниот часовник Apple Watch. За ова најверојатно ќе дознаеме кога ќе бидат официјално достапни изданијата на оперативните системи iOS12 и Mojave.

Се разбира, можно е некои најави да бидат оставени за можни настани во октомври, како што се случуваше во изминатите години. Последен пат тоа го направија на 27 октомври 2016, кога беше претставен MacBook Pro Touch Bar.

Настанот е закажан за утре, 12 септември.

 

Дискусија

Коментари