Apple ги промовира можностите на iPhone 7 телефонот за фотографирање во услови на слаба осветленост, со серија интересни фотографии направени низ целиот свет. Има фотографии кои се снимени во Индонезија, на Антарктикот, Исланд, Јужна Африка и од други територии. Според Apple, со iPhone телефоните секој ден се прават повеќе фотографии отколку со било која друга камера во светот.
На фотографиите при слаба осветленост им помага оптичката стабилизација на сликата, f/1.8 отворот на блендата, како и објективот со шест елементи на камерата на телефоните iPhone 7 и iPhone 7 Plus. Големиот отвор на блендата овозожува 50 проценти повеќе светлина на сензорот на камерата од тоа што е можно кај iPhone 6s телефонот, додека оптичката стабилизација на сликата го намалува заматувањето. Погледнете како изгледаат некои од тие фотографии, а повеќе на следниот линк.
