3Д печатење на стакло ( Погледнете ја оваа прекрасна технологија )

Истражувачите од МИТ  во САД , претставија 3Д печатење што користи уште еден медиум – стакло.Тие развиле систем наречен  „G3DP“, за кој што велат дека е првата целосно функционална метода на истиснување на материјал во светот за 3Д печатење на оптички транспарентно стакло.

Во прекрасното видео каде што може да се види процесот во акција , се гледа како , слој по слој од стакло , комлексно се спојува и креира прекрасни , сложени структури  со дигитална прецизност , што со традиционалното дување на стаклото не може ни да се замисли да се постигне.

Техниката во основа претставува спој од конвенционалниот начин на правење на стакло и дигитално контролирани прскалки што го поставуваат стаклото , според  дизајн нацртан во 3Д „CAD“ програма.Главната работа е да се донесат сите тие различни компоненти заедно , така што 3Д печатачот да може да ги издржи екстремно високите температури коишто се потребни.Кертриџот над прскалката од печатачот работи на температура од околу 1037 степени Целзиусови! Термичките слики што блескаат на видеото , покажуваат колку е сериозна работата.

Истражувачите од МИТ не се фокусирани  само на убавината на  физичките форми , туку , исто така и на начинот на кој светлината  поминува низ досега невозможни стаклени структури.„Подесувaњата , овозможени од геометриските и оптичките варијации , водени од формата , транспарентноста и варијациите на бојата можат да го носат , лимитираат или да го контролираат преносот , рефлексијата и прекршувањето на светлината , а со тоа  да имаат и значителни импликации за сите видови стакло“- велат истражувачите.

Може и така да се каже , но може и веднаш да скокнете на 3:08 во видеото и да видите што се случува кога ќе заблеска светлина низ овие дела. Прекрасно!  


Поддржете ја нашата работа: