Австралиските научници успеале да направат снимка како пчелата „Amegilla murrayensis“- која е домородна австралиска пчела, опрашува цвет на чери домат.
Доктор Катја Хогендорн, експерт за австралиски пчели и нејзините колеги откриле дека оваа пчела го собира поленот така што со главата удира во прашникот на цветот и тоа неверојатни 350 пати во секунда.
Пчелата го држи цветот со своите нозе и во исто време вибрира со мускулите на градниот кош. Овие вибрации потоа на некој начин се пренесуваат на главата на пчелата. Ваквите вибрации обично ги покренуваат крилата на пчелата, но во овој случај крилата остануваат неактивни, а целата енергија се користи за да се затресе прашникот.
Бумбарите во Северна Америка на ист начин вршат опрашување, но тоа го прават директно со мускулите од градите, кои вибрираат 240 пати во секунда.
На видеото, на забавена снимка може да ја видите техниката на оваа неверојатна пчела во акција.
