Поминаа скоро пола година од појавата на првите пациенти заболени со „COVID-19“ и сметам дека е апсолутно несериозно и глупаво „COVID-19“ сеуште да се нарекува вирус.
Сметав дека повеќето наши медиуми и новинари барем за ваква сериозна работа со тек на време ќе се поправат и ќе прочитаат малку повеќе како за „новиот корона вирус“ така и за болеста што може да ја предизвика истиот „COVID-19“
Меѓутоа бидејќи секојдневно во вестите на најголемите национални телевизии „COVID-19“ сеуште се нарекува вирус текстов го пишувам како мала едукација за нашиот македонски народ кој периодов се изнагледа и изнаслуша се и сешто.
„COVID-19“ не е вирус туку ЗАРАЗНА БОЛЕСТ предизвикана од корона вирусот „SARS-COV-2 “
Значењето на кратенката „COVID“ е (анг. coronavirus disease ) што во превод значи „Болест предизвикана од корона вирус“ а бројот 19 до самата кратенка COVID е поради тоа што истата болест за првпат се појавува во 2019 година.
Додека кратенката што го опишува вирусот „SARS-COV-2 “ што е одговорен за предизвикување на оваа болест значи ( анг. severe acute respiratory syndrome coronavirus 2 ) корона вирус број 2 што предизвикува тежок акутен респираторен синдром и истиот е така именуван бидејќи е многу сличен со неговиот роднина вирусот „SARS-COV“ од 2003 година кој беше и е одговорен за предизвикување на болеста „SARS“ што во превод значи ( анг. severe acute respiratory syndrome ) тежок акутен респираторен синдром.
Значи кога ќе кажете вирусот „COVID-19“ е исто како да кажете за болестите СИДА, Грип,Сипаница,Жолтица … , вирусот СИДА, вирусот Грип , вирусот Сипаница, вирусот Жолтица.
Сите овие се болести предизвикани од вируси меѓутоа се болести а не вируси.
Ова значи дека некој може да го има во себе вирусот меѓутоа немора да значи дека кај истиот ќе се развие и болеста. За ваквите луѓе се вели дека се само позитивни на вирусот и можно е тие никогаш да не развијат болест.
Сега на крај се прашувам како треба ние да ја нарекуваме болеста „COVID-19“ на македонски литературен јазик и како ќе изгледа нашата правилна македонска кратенка ? КОВИБ-19 , КОВИД-19 или ???
Исто така сакам да ве замолам да ги прочитате и некои моите предходни статии :
Корона вирусот се шири и во гастроинтестиналниот тракт
Колку е ефикасно носењето маска за лице при појава на „COVID-19“
