Фукушима планира да се претвори во центар за обновливи извори на енергија, скоро девет години откако стана сцена на најтешката нуклеарна несреќа во светот од времето на Чернобил.
Префектурата во северо-источна Јапонија засекогаш ќе биде поврзана со тројното топење на нуклеарната централа Фукушима Даичи на 11 март 2011 година, но во амбициозен проект локалната власт вети дека ќе го напојува регионот со 100% обновлива енергија до 2040 година, во споредба со 40% денес.
Несреќата во 2011 година, предизвикана од силен земјотрес и цунами, испрати големи количини радиација во атмосферата и ја принуди евакуацијата на повеќе од 150.000 жители.
Проектот од 300 милијарди јени (2,75 милијарди американски долари), чии спонзори ги вклучува владината банка за развој на Јапонија и банка Мизухо не е подржан од владата на Јапонија и премиерот Шинзо Абе.
Абе и неговата влада сакаат да ги рестартираат ефикасните нуклеарни централи кои биле затворени по несреќата, но ова многумина го критикуваат како опасна идеа поради честите земјотреси и цунамиња во државата и потенцијалот за слична несреќа.
