Во рекламите на телевизија, се изгледа толку едноставно. Луѓето користат средство за плакенње на уста и тоа веднаш ги неутрализира сите непријатни бактерии кои се кријат во устата и туку така се осигура нивната забна хигиена.
Но, што се случува кога ќе ја исплакнете устата со антибактериски хемикалии? Што прави тоа за вашето тело и за другите видови микроорганизми кои всушност можат да бидат корисни за здравјето?
Како што покажува новата студија, ефектите може да бидат изненадувачки, да влијаат многу повеќе отколку само на вашата забна благосостојба.
Во експериментот предводен од научници од Велика Британија и Шпанија, истражувачите откриле дека едноставниот чин на употреба на миење уста по вежбање може да ја намали една од придобивките од вежбање: намалување на крвниот притисок.
Кога вежбате крвните садови се отвораат како одговор на производството на азотен оксид, со што се зголемува дијаметарот на крвните садови. Овој процес се нарекува вазодилатација и ја зголемува циркулацијата на протокот на крв во активните мускули.
Долго време, истражувачите мислеа дека ова се случило само за време на вежбање, но во последниве години доказите покажале дека циркулацијата останува висока (што значи дека крвниот притисок е спуштен) дури и после вежбање – благодарение на тоа како бактериите комуницираат со соединение наречено нитрат, кое се формира кога азотниот оксид се деградира.
„Истражувањата во текот на последната деценија покажаа дека нитратот може да се апсорбира во плунковните жлезди и да се излачува со плунка во устата“, објаснува специјалистот за физиологија Раул Бескос од универзитетот Плимут.
„Некои видови бактерии во устата можат да користат нитрат и да се претворат во нитрит – многу важна молекула што може да го подобри производството на азотен оксид во организмот“.
Откако нитритот се произведува и проголта со плунка, тој се апсорбира во циркулацијата на крвта и се редуцира во азотен оксид, кој ги задржува крвните садови широки и го намалува крвниот притисок.
Но, според оваа мала студија, се чини дека овој биолошки механизам може значително да се прекине, доколку употребиме средство за плакнење после вежбање.
Во експеримент, 23 здрави возрасни трчаа на лента за трчање по 30 минути. По тренингот, учесниците беа замолени да ја исплакнат устата или со антибактериско миење на устата или со плацебо со вкус на нане.
Овие плакнења на устата беа направени веднаш по вежбата, а исто така и на 30, 60 и 90 минути после.
На учесниците исто така им го мереа крвниот притисок за време на експериментот, веднаш по вежбата и за време на периодот на одмор.
Резултатите покажаа дека на еден час по сесијата трчање, просечното намалување на систолниот крвен притисок во плацебо групата беше -5,2 mmHg (милиметри жива).
Намалувањето на групата што употребуваше средства за миење на устата беше многу пониско, покажувајќи просек од -2,0 mmHg во истиот момент на време.
На крајот на набудувањето, два часа по сесијата, групата за миење на устата не покажа знаци на намалување на крвниот притисок што произлегува од вежбата, додека плацебо групата сепак покажа значително намалување во однос на нивните вредности пред вежбање.
„Ова е прв доказ што покажува дека нитратната активност на оралните бактерии е клучен механизам за поттикнување на кардиоваскуларна реакција на вежбање ,за време на периодот на одмарање после вежбањето кај здрави лица“, објаснуваат авторите во својот труд.
Иако е само мала студија, таа служи како важен потсетник за тоа како не сите бактерии се нужно лоши за нас – и дека внесувањето антибактериски хемикалии кои неселективно ги прекинуваат микробите што се наоѓаат во уста, би можеле да ги попречат важните биолошки процеси неопходни за добро здравје.
„Овие откритија покажуваат дека синтезата на нитрити од страна на оралните бактерии е од огромна важност, за тоа како нашите тела реагираат на вежбање во текот на првиот период на закрепнување, промовирајќи го понискиот крвен притисок и поголема оксигенација на мускулите“, вели еден од тимот, нутриционист Крег Катлер.
„Всушност, тоа е како оралните бактерии да се клучот за отворање на крвните садови. Доколку се отстранат, не може да се произведе нитрит и садовите остануваат во нивната моментална состојба“.
