Новинарите претеруваат: Нема опасност од Астероид

Веќе неколку денови по светските и домашните медиуми и интернет портали се шири веста за потенцијална можност Земјата да ја погоди џиновски астероид, притоа употребувајќи вистински хорор наслови што можат да го вознемират обичниот читател и граѓанин се’ со една цел – поголема гледаност или кликови на нивниот портал.

Се работи за еден од астероидите (2003 SD220) што ги мониторираме со помош на софистицирана радарска технологија, која покрај супер прецизно предвидување на траекторијата на објектот може да даде дури и 3Д слика на истиот.

Според податоците од радарот, овој астероид ќе помине покрај Земјата на растојание од 2,5 милиони километри (6% од растојанието до Венера), ако се знае дека истиот е со големина од околу 1 км опасноста е непостоечка.

Нормално радарот покрај овој астероид мониторира уште многу други слични, но сега за сега нема потреба за никакви стравови и преувеличување на работите, па затоа пред да поверувате на некоја премногу бомбастична вест добро проверете ги изворите и информациите.

Поддржете ја нашата работа: