Еден тим на научници на чело со Проф. Д-р. Стипе Јонјиќ од Медицинскиот факултет Универзитетот во Ријека во соработка со научници од Универзитетот во Торонто открил нов вирусен протеин кој го залажува имунолошкиот одговор на домаќинот.
Станува збор за откритие кое допринесува за разбирање на еволуцијата на вирусните механизми кои му овозможуваат преживот во домаќинот и противмеханизмот на домаќинот со цел да се заштити од вируси.
Имено, како што пренесуваат хрватските портали, она што го откриле научниците, е новиот вирусен протеин кој го манипулира одговорот на клетките на вродениот имунитет т.н. природен убиец, кои се инаку важни за борбата против вирусни инфекции и тумор.
Хрватските научници веќе подолги години ги истражуваат механизмите на кои вирусот манипулира со нашиот одбрамбен систем. Клетките НК претставуваат прва линија за одбрана од вируси, а нивното активирање е одредено со сигнали кои доаѓаат од активирање и инхибиторни рецептори на нивната површина.
Во последните истражувања откриле вирусен протеин кој доаѓа на површината на инфицираните клетки и се врзува за инхибиторниот рецептор залепен на клетките НК и со тоа го оневозможува убивањето на инфицираните клетки.
Бидејќи тоа е неповолно за домаќинот, во текот на коеволуцијата, домаќинот развил активациски рецептори на клетките НК кои го препознаваат истиот вирусен протеин, со што домаќинот ја одбива вирусната субверзија. На ова уште еднаш реагирал вирусот со контрамерки и со текот на милиони години коеволуција мутирал ген кој го кодира протеинот и со тоа одново го прави невидлив за активирање, а истовремено ги прави видливи инхибиторните рецептори на НК клетките.
