Соларната енергија полека се пробива како сигурен обновлив извор на енергија, но се’ уште има многу неискористен потенцијал во однос на ефикасноста на фотоволтаичните ќелии , како и она што се случува навечер, или за време на лоши временски услови.
Сега, научниците предложија ново решение за производство на енергија од капки дожд.
Клучот за новиот процес на производство на енергија е графенот – чудесниот материјал за кој досега слушнавме многу.
Поради тоа што капките дожд не се составени од чиста вода и содржат разни соли кои се делат на позитивни и негативни јони, научниците од еден универзитет во Кина сметаат дека може да се произведе електрична енергија преку едноставна хемиска реакција. Тие сакаат да искористат листови од графен за да ги разделат позитивните јони во капките (вклучувајќи натриум, калциум и амониум) и притоа да произведат енергија.
Првичните тестови, при кои користеле малку солена вода за да ги симулираат капките дожд, биле ветувачки. Научниците успеале да генерираат стотици микроволти и да постигнат солидна ефикасност од 6,53% при претворањето на соларната енергија во електрична.
Иако овој екперимент треба да послужи само како доказ за концептот и се’ уште има многу работа за да се заврши, научниците се надеваат дека ќе придонесе за растечкото влијание на обновливите извори на енергија.
Во моментов работат на приилагодување на технологијата на вистинските капки дожд, како и пронаоѓање на начин да се произведе доволно енергија од најчесто многу малото количество на капки.
Истражувањето е објавено во „Angewandte Chemie“.
