ЕМА започна да тестира антивирусен лек против ковид

Европската агенција за лекови (ЕМА) започна забрзана евалуација на оралниот антивирусен лек молнупиравир (Lagevrio) наменет за третман на Ковид-19 кај возрасни.

Третманот го разви американската фармацевтска компанија „Мерик Сарп и Дом“, а проценката на Агенцијата на ЕУ започна по објавените резултати од студиите кои сугерираат дека овој лек може да ја намали способноста на вирусот SARS CoV 2 да се размножува во телото, со што се спречува хоспитализација или смрт од болеста.

ЕМА вели дека ќе ја процени усогласеноста на молнупивир со стандардите на ЕУ за ефикасност, безбедност и квалитет.

Се додава дека рокот за објавување во овој момент не може да се предвиди, но дека тој секако ќе бидат пократки во однос на вообичаените процедури.

ЕУ нагласува дека вакцинацијата е најдобриот начин да се стави крај на пандемијата и да се врати нормалниот живот, но дека во исто време треба да се обезбеди достапност на најдобрите лекови против Ковид-19 за лекување на заразените.

По тој повод, Европската комисија денеска објави дека вклучила 10 потенцијални лекови во своето портфолио за лекување на „Ковид-19“ што треба да ги положат проценките на ЕМА.

Списокот вклучува три третмани со антитела и орални лекови, кои се користат во раните фази на инфекцијата и четири имуномодулатори за третман на хоспитализирани пациенти.

Се очекува ЕМА да одобри пет третмани за третман на вирусот SARS CoV 2 до крајот на годината.

Поддржете ја нашата работа: