НОВА СТУДИЈА: Како вакцините против КОВИД-19 влијаат на менструалниот циклус кај жените

Вакцинирањето против КОВИД-19 може незначително и привремено да го продолжи времето помеѓу две менструации, укажува нова студија неодамна објавена во National Institute of Health.

Во просек, дополнителното време изнесува околу еден ден. Тоа е нешто што многу жени не би го ни забележале и не е причина за загриженост од здравствен аспект, истакнуваат експертите.

Резултатите ги потврдуваат и претходни сведоштва на некои жени дека по вакцинирањето против КОВИД-19, менструалниот циклус тој месец им бил поинаков.

Според мислењето на експертите, не е изненадувачки што вакцинацијата може да влијае на менструацијата кај жените, бидејќи постои врска помеѓу имуниот систем и менструацијата.

Вакцините против КОВИД-19 предизвикуваат имунолошки одговор. Како дел од него, телото произведува цитокини – мали протеини кои го стимулираат имуниот систем да се бори против надворешни напаѓачи. Но, цитокините исто така може да влијаат на внатрешниот часовник кој одразува различни телесни процеси, па затоа не е необично тој месец да се помести времето на менструацијата.

Поддржете ја нашата работа: