Астероид со дијаметар поголем од 600 метри ќе помине блиску до Земјата

Огромен астерид ќе помине покрај Земјата денес, а НАСА со внимание го следи неговото движење.

Оваа вселенска карпа, позната како 2014-JO25 е откриена во мај 2014 година. Според современите мерењата на НАСА, астроидот е со големнина од околу 650 метри, а неговата површина е два пати порефлективна од површината на Месечината. Засега малку е познато за физичките својства на овој астероид, иако неговата траекторија е добро позната.

Покрај Земјата ќе прелета на оддалеченост од околу 1,8 милиони километри, што е речиси пет пати повеќе од растојанието помеѓу Земјата и Месечината. Астероидот ќе се приближи кон Земјата од правец на Сонцето и на небото и ќе биде видлив и со помали телескопи ноќта во среда и уште ден-два потоа.

Последен пат овој астероид поминал блиску до Земјата пред најмалку  400 години, а неговото следно приближуање ќе биде за најмалку 500 години.

„Иако не постои можност астероидот да удри во нашата планета, ова ќе биде многу блиска средба со астероид со ваква големина“, пишува во соопштението на Американската вселенска агенција.

Сепак, НАСА со внимание ќе го следи движењето на астероидот преку опсерваториите во Калифорнија и Порторико, а ќе можат да  видат делови од ова небеско тело  со големина од само неколку метри.

Во НАСА истакнуваат дека ова ќе претставува извонредна прилика  за проучување на овој астероид.