Чекор напред во борбата со Паркинсоновата болест

Нова студија на истражувачи од Норвешка, открива нови механизми позади Паркинсоновата болест, кои можат да бидат клучни за идните третмани.

Повеќе од 10 милиони луѓе во светот имаат Паркинсонова болест. Причината за оваа болест е непозната и оттука не постојат ефективни третмани. Студијата од Универзитетот во Берген (UiB) посочува дека, можеби тајната на оваа болест лежи во митохондриите, извори на енергија за клетките.

“Се надеваме дека нашите наоди ќе бидат клучни за наоѓањето третман. Генерално многу малку се знае за механизмите кои ја предизвикуваат Паркинсоновата болест. Сега ние сме чекор напред за да ги разбереме и го искористиме тоа сознание”, вели неврологот Д-р Каралампос Зулис на Одделот за клиничка медицина и Универзитетската болница Хокеланд.

Стареење на мозокот

Се чини дека проблемот лежи во микроскопските центри за енергија кои се наоѓаат во ќелиите на мозокот кои не се способни да се прилагодат на ефектите на стареење кај луѓето со Паркинсонова болест. Митохондриите соджат своја сопствена ДНК, која управува со нив.

“Познато е дека ДНК-та на митохондриите се оштетува со текот на стареењето, предизвикувајќи слабост во енергетските генератори, недостаток на енергија и болест,” вели Зулис.

Споредба на мозочните клетки

Во студијата на Зулис, неговиот тим споредувал мозочни клетки на здрави постари лица со оние кои имаат Паркинсонова болест.

“Верувам дека пронајдовме суштински биолошки механизам кој треба да го заштити мозокот и пред се ке користи како превентива од ваквата штета. Интересно е тоа што резултатите од споредбата  на мозочните клетки покажуваат дека овој механизам не функционира кај лицата со Паркинсонова болест, правејќи го нивниот мозок поподложен на ефектите на стареење”, објаснува Зулис.

Факти за Паркинсоновата болест:

– Хронична болест која го напаѓа нервниот систем;

– Застапеноста на болеста се зголемува со текот на годините. Обично се дијагностицира на 55 годишна возраст;

– Се појавува кај 100 од 100.000 лица;

– Првите симптоми обично се вкочанетост и споро движење на екстремитетите.