Во својата објава, овој технолошки гигант вели дека ќе се здружи со Универзитетот за технологија Делфт од Холандија и ТНО – Холандската организација за применети научни истражувања, за да „се забрза напредокот“ на ова поле.
„До целосно функционален квантен компјутер сме барем десетина години далеку, но практичните и теоретските истражувачки напори што денеска ги објавуваме, претставуваат важна пресвртница на патотда го доближиме ова до реалноста“ – вели во објавата ,Мајк Мејбери, потпретседател на Интел и директор на Интел Лаб.
Развојот на квантни компјутери, способни за вршење на операциите многу побрзо од конвенционалните компјутери е цел на компјутерските научници и физичарите уште од раните 1980-ти, кога идејата за првпат беше покрената. Но поради нестабилната природа на „кубитот“- квантен компјутерски еквивалент на битот, оваа цел сѐуште е недостижна.
