Американската агенција НАСА предупредува дека џиновски глечер наскоро ќе се одвои од Антарктикот.
Во соопштението на НАСА се наведува дека станува збор за глечер, кој е двојно поголем од површината на Њујорк, а кој ќе биде одделен од Антарктичкиот масив Брунт.
Научниците установиле големи кратери кои претставуваат последна фаза на одвојување на глечерот, а доказ за тоа се и сателитските снимки кои се направени на 23 и 30 јануари, оваа година.
Истражувачот Џо Мекгрегор тврди дека глобалното затоплување го забрзува топењето на мразот и на Антарктикот, и дека пукнатините на глечерот Брунт се доказ за тоа.
