НАСА сака да направи најладно место во вселената

Една мала кутија што наскоро ќе биде лансирана на Меѓународната вселенска станица (МВС), ќе стане најладното место во вселената.

Во кутијата, која е опремена со ласер, вaкуум, специјална комора и електромагнетен  „нож“ кој ја поништува енергијата на гасните честички, температурата ќе се спушти до точка 100 милиони пати пониска од таа која владее во длабоката вселена.

Кога атомите од гас се ладат во кутијата, тие ќе влезат во карактеристична состојба на суперфлуид, оносно Бозе-Ајншајнов кондензат.

Во таква состојба, кондензатите се „суперфлуиди“ со нулта вискозност. Тоа на атомите им овозможува да се движат без триење, како сите да сочинуваат една поврзана супстанција. Во такви услови можат да се набљудуваат повеќе како бранови, отколку како честички. Меѓутоа, такви температури не се постигнати. НАСА никогаш не создала нити набљудувала таква состојба во вселената, а на Земјата, поради присуство на гравитацијата, забележена е само во дел од секунда.

Во микрогравитацијата на МВС тие атоми ќе можат да ја задржат состојбата на суперфлуид многу подолго, што ќе им овозможи на научниците да го набљудуваат нивното однесување.

„Ако вода која е во состојба на суперфлуид ја промешате  во чаша, таа би се вртела бесконечно. Нема вискозност што ќе ја забави и ќе ја распореди кинетичката енергија. Кога подобро би ја разбрале физиката на суперфлуидите, би можеле да научиме да ги користиме за поефикасен пренос на енергија“  – вели Анита Сенгупта од „JPL“- лабораторијата.

Тестирањата во лабораториски услови ќе ги спроведуваат пет тимови, а учество ќе земат и добитниците на Нобеловата награда за физика во 1995 година кои први креирале Бозе-Ајнштајнов кондензат.