Вежбањето секако е најважниот фактор за добро изградени мускули, но подеднакво важно е и добро да ги нахраните после тоа. За време на вежбањето, во мускулите се случуваат микро пукнатини, кои треба да се обноват, а за тоа се потребни протеини.
Видеото направено од Американската хемиска асоцијација ја обаснува науката за „билдање“ на мускулите.
Намирниците, како што се црвеното месо, живината, јаткастите плодови и јајцата се богати со протеини, кои после конзумирањето се разложуваат на амино киселини. Оштетувањата настанати во мускулите претставуваат сигнал амино киселните да се претворат во нови мускулни клетки и други клетки кои се одговорни за зацврстување на пукнтините, што ги прави мускулите поголеми и конечно ќе ве направи поцврсти.
Сепак, растот на мускулите се одвива само ако има доволно амино киселини кои ќе ги репарираат овие микро пукнатини. Доколку не јадете доволно протеини, малите оштетувања во мускулите нема сами да се излечат, така што вие ќе станете послаби отколку пред да почнете да тренирате.
Според Медицинската школа на Харвард, релативно активните возрасни лица треба да земаат 10 проценти од вкупниот калориски внес, што е приближно колку и препорачаната дневна доза од 0,8 грама протеини по килограм телесна тежина. За лице со тежина од околу 80 кг. тоа би изнесувало 63 грама протеини дневно. Најдобро е да се јадат отприлика 20 грама протеини веднаш после тренингот, за да се обноват микро пукнатините. Сепак, мора да го одредите вистинскиот баланс што одговара на вашата рутина – ако не вежбате и јадете протеини како спортист, тие можат да се претворат во масти.
