Нов рекорд: Сондата Паркер му пријде на Сонцето најблиску до сега

СПОДЕЛИ

Соларната сонда Паркер на американската вселенска агенција НАСА се најде најблиску до Сонцето од кое било друго вселенско летало досега.

Паркер го премина рекордот од 43 милиони километри оддалеченост од Сонцетокој  што го постави сондата Хелиос-2 во 1976 година.

Таа ќе продолжи да се доближува до Сонцето и следната недела за прв пат ќе прелета низ короната, надворешната сончева атмосфера, на 24 милиони километри од површината на нашата ѕвезда.

Паркер во текот на наредните седум години ќе се доближи до Сонцето 24 пати, а најмалата оддалеченост ќе биде само 6 милиони километри.

Лансирана во август, Паркер преку ноќ треба да постави уште еден рекорд – ќе ја надмине рекордната брзина на Хелиос-2 од 247.000 км/ч.

 

Дискусија

Коментари